د ویني لوړ فشار

د وینې لوړ فشار د زړه او رګونو یوه عامه ناروغي ده. د فشار لوړېدل د رګونو د تنګوالي یا د وینې د زیات حجم له امله رامنځته کېږي. مهم لاملونه یې چاغښت، کم حرکت، زیات مالګه، فشار (stress) او ارثي عوامل دي. نښې یې سر درد، سر ګرځېدل، د سینې درد او ستړیا کېدای شي، خو ډېر وخت بې نښې وي. که کنټرول نه شي، د زړه حمله، فلج او د پښتورګو خرابوالي سبب کېدای شي. درملنه یې د ژوند طرز بدلول (غذا، ورزش) او د ډاکټر له خوا درمل کارول دي.